សាច់ក្រពះគោអាំង

គ្រឿងផ្សំ
គោ ម្ទេស ក្រូចឆ្មារ ទឹកត្រី ខ្ទឹមក្រហម ទឹកស៊ីអ៊ីវ

វិធីធ្វើ
១- សាច់ក្រពះគោ ៥០០ ក្រាម, ទឹកស៊ីអ៊ីវ ២ស្លាបព្រាបាយ
២- លាងក្រពះគោអោយស្អាត រួចពន្លះវាប្រមាណជា​ ១ ស.ម ប្រឡាក់ទឹកស៊ីអ៊ីវ ទុកផ្អាប់ ១ម៉ោង ។
៣- ទើបយកទៅអាំងលើចង្រ្កានធ្យូង ដោយប្រើភ្លើងតិចៗ ល្មមរហូតដល់ឆ្អិនល្អ ទាំងសងខាង ហើយហាន់ជាចំណិតស្តើងៗ ល្មមមាត់ សំរាប់ទទួលទានជាមួយ ទឹកជ្រលក់

របៀបធ្វើទឹកជ្រលក់
១- ម្ទេសម៉ត់ ១ស្លាបព្រាកាហ្វេ , អង្ករលីងបុកអោយម៉ត់ ១ស្លាបព្រាកាហ្វេ , ស្លឹកខ្ទឹមហាន់ល្អិត ១ស្លាបព្រាកាហ្វេ​ , ទឹកត្រី ២ស្លាបព្រាបាយ , ទឹកក្រូចឆ្មារ​២ ស្លាបព្រាបាយ
២- លាយគ្រឿងទាំងអស់ចូលគ្នាជាការស្រេច ។

From: http://mahob-khmer.blogspot.com/

បក្សីអាំង

គ្រឿងផ្សំ
សត្វបក្សី ម្ទេស អំបិល ក្រូចឆ្មារ ទឹកត្រី

វិធីធ្វើ
១- ក្រូច ឬបក្សីដ៏ទៃទៀតបោចរោមអោយស្អាត ៣ក្បាល , អំបិលម៉ត់ ១ស្លាបព្រាបាយ
២- កាត់ក្បាល ក្រញុំាជើង លាងទឹកអោយស្អាត ។
៣- ក្រោយពេលចូលជាតិ សព្វមក ឆ្កាងទទឹងខ្លួន ដាក់អាំងលើភ្លើងតិចៗ រហូតដល់ឆ្អិន ឡើងពណ៌ក្រហម ក្រៀមល្អ ហើយទទួលទាន ជាមួយទឹកជ្រលក់ ។

របៀបធ្វើទឹកជ្រលក់
១- ម្ទេសបុក ១ស្លាបព្រាកាហ្វេ ទឹកត្រី ១ស្លាបព្រាបាយ ទឹកក្រូចឆ្មារ ១ ស្លាបព្រាបាយ
២- លាយគ្រឿងទាំងអស់ចូលគ្នាជាការស្រេច ។

From: http://mahob-khmer.blogspot.com/

សាច់អាំងដំបំបែក

គ្រឿងផ្សំ
គោ ជ្រូក អំបិល ទឹកត្រី ម្រេច ស្កររាវ

វិធីធ្វើ
១- សាច់គោ ឬជ្រូក (សាច់ត្រគាក ឬសាច់ចំឡក) ១គីឡូក្រាម , ម្រេចម៉ដ្ឋ ១ ស្លាបព្រាកាហ្វេ , ស្កររាវ ១ ស្លាបព្រាបាយ , ទឹកត្រី ១ ស្លាបព្រាបាយ , អំបិលម៉ត់ ១ ស្លាបព្រាបាយ ។
២- លាងសាច់អោយស្អាតពន្លះវាជាបន្ទះស្តើងៗតាមបណ្តោយសាច់ ។
៣- យកសាច់មកប្រឡាក់ជាមួយ អំបិល ម្រេច ស្កររាវ ទឹកត្រី ហើយផ្អាប់ទុកប្រហែល ៦ម៉ោង រួចសឹមយកមកហាលថ្ងៃ មួយថ្ងៃ ។
៤- ពេលចង់ទទួលទាន យកសាច់មកអាំងភ្លើងចង្រ្កានធ្យូងអោយឆ្អិន រួចដំអោយទក់ បែកចេញពីគ្នា ទទួលទានជាមួយនឹងទឹកជ្រលក់ ។

របៀបធ្វើទឹកជ្រលក់
ម្ទេសបុក ១ស្លាបព្រាកាហ្វេ ទឹកត្រី កន្លះស្លាបព្រាបាយ ទឹកក្រូចឆ្មារ ១ ស្លាបព្រាបាយ ផ្សំគ្រឿងទាំងអស់ចូលគ្នា ។

From: http://mahob-khmer.blogspot.com/

ឆាក្រពះជ្រូកស្ពៃជ្រក់

គ្រឿងផ្សំ
ជ្រូក ម្ទេស ស្លឹកខ្ទឹម ផ្កាគីមឆាយ ស្ពៃជ្រក់ ប្រេងឆា ប្រេងខ្យង ស្រា

វិធីធ្វើ
១. ស្ពៃជ្រក់ ១ខាំ​, ក្រពះជ្រូក ២ខាំ​ , ថ្លើមជ្រូក ១ខាំ , ម្ទេសដៃនាង ហាន់បញ្ផិតៗ ១គ្រាប់ ,ឃិនឆាយ ហាន់កង់ៗ ១ដើម, ម្យៅឆា ១ស្លាបព្រាបាយ, ប្រេងឆា ២ស្លាបព្រាបាយ, ប្រេងខ្យង ១ស្លាបព្រាបាយ, ស្រាចិន កន្លះស្លាបព្រា , ទឹកស៊ុប ៣ស្លាបព្រាបាយ​ ។
២. យកស្ពៅជ្រក់មកហាន់ចំណិតតូចៗ ចំណែកក្រពះជ្រូក ថ្លើមជ្រូក យកទៅស្រុសទឹកក្តៅអោយឆ្អិន ស្រង់ឡើងដាក់លើកញ្រ្ផែងអោយស្រស់ទឹក ហាន់ជាចំណិតតូចៗ ទុកមួយអន្លើ ។
៣. ដាក់ខ្ទះលើភ្លើងអោយក្តៅល្ម​ម រួចចាក់ប្រេងឆា ចូលយកស្ពៃជ្រក់ ថ្លើមជ្រូក មកដាក់ចូល​ ឆាត្រឡប់មួយសន្ទុះ ទើបដាក់ប្រេងខ្យង ស្រាចិន និងទឹកស៊ុប ។
៤. ដាក់ដើមខ្ទឹម ឃិនឆាយ ម្ទេសដៃនាង ចូល ។
៥. យកម្យៅឆា មកកួររំលាយក្នុងទឹក រួចចាក់ចូលខ្ទះឆាមួយសន្ទះ លើកឡើងរួចទទួលទាន ។

From: http://mahob-khmer.blogspot.com/

សាច់ក្រកពោះវៀនខ្ចីជ្រូក

គ្រឿងផ្សំ
ជ្រូក អំបិល ខ្ទឹមស

វិធីធ្វើ
១- សាច់ជាប់ខ្លាញ់ ១គីឡូក្រាម , ពោះវៀនខ្ចី ១គីឡូក្រាម និងបាយដំណើបចំហុយ ១ចាន , មើមខ្ទឹម ៧-១០ មើម និងអំបិលម៉ត់
២- លាងសាច់អោយស្អាត រួចហាន់ស្តើងៗ យកទៅកិនជាមួយនឹង មើមខ្ទឹម អំបិលអោយម៉ត់ ។
៣- លាងអង្ករដំណើបអោយស្អាត ហើយយកទៅចំហុយអោយឆ្អិន បុកអោយល្អិត ហើយយកមកច្របល់ជាមួយសាច់កិន ។
៤- យកសាច់ ដែលច្របល់សព្វហើយនោះ មកញាត់បញ្ចូលក្នុងពោះវៀនខ្ចី តែកុំអោយណែនពេក បន្ទាប់មកចងវាជាកង់ៗ ប្រវែង៣ឆ្នាប់ យកទៅសំដិលថ្ងៃ ១ថ្ងៃ បើចង់ជូរបន្តិចទុក២ថ្ងៃក៏បាន ។
៥- ក្រោយមកយកទៅចៀន ឬបំពង ឬអាំងដោយភ្លើងតិចៗ ទទួលទានជាមួយ នឹង ម្ទេសខ្ខី មើមខ្ទឹម និងខ្ញីខ្ចីៗ ។

វិធីធ្វើពោះវៀនជ្រូក
ទាញពន្លាពោះវៀន​ រលាតាមបណ្តាយ ដោយយកស្លាបព្រារឹតវាអោយតំប៉ែត ញីអំបិលមួយស្លាបព្រាបាយ​ ហើយលាងទឹក ដោយបង្ហូរទឹក អោយហូរកាត់ ពោះវៀននោះរហូតដល់ស្អាត ទើបច្បួតទឹកចេញអោយអស់ម្តងទៀត ។

From: http://mahob-khmer.blogspot.com/

ទឹកបន្លែផ្លែឈើជួយអោយស្រទាប់ស្បែកភ្លឺថ្លា

គ្រឿងផ្សំ
ម្នាស់ ផ្លែស្ពឺ ក្រូចឆ្មារ ទឹកឃ្មុំ

វិធីធ្វើ
១- ផ្លែស្ពី ១ផ្លែ , ឃិនឆាយបារាំង ៦០ក្រាម​​ , ម្នាស់ ១០០ក្រាម , ក្រូចឆ្មារ (ផ្លែមួយពុះជា ៤) ១ចំណិត , ទឹកឃ្មុំ និងទឹកកកដុំ សម​ ល្មម
២- ផ្លែស្ពឺ និងឃិនឆាយបារាំងលាងទឹកអោយស្អាត និងហាន់ជាដុំៗ ។ក្រូចឆ្មារចិត សម្បកអោយស្អាតទុកប្រើការ ។ម្នាស់ហាន់ជាបន្ទះៗ ។
៣- ត្រូវដាក់បន្ថែមផ្លែឈើ ម្តងមួយមុខៗ ទៅតាមលំដាប់លំដោយ ទៅក្នុងឧបករណ៍ គាបចម្រាញ់ទឹកផ្លែឈើ និងគាបចម្រាញ់យកទឹកចាក់ដាក់កែវ ។ចាក់ទឹកឃ្មុំ និងដាក់ទឹកកកដុំចូល ជាការស្រេច ។
កំណត់សំគាល់ផ្សេងៗ
ទឹកឃិនឆាយ សម្បូរទៅដោយជាតិកាល់ស្យូម ជាតិប៉ូតាស្យូម ជាតិម៉ាញ៉េស្យូម ជាតិដែក​និងជាតិសូដ្យូម ដែលជាសារធាតុ អាចបង្កើនចរន្តឈាម​បានស្រួល ដោយបង្កអោយស្រទាប់ស្បែកភ្លឺរលោង ។ ប៉ុន្តែទឹកឃិនឆាយ សុទ្ឋអាចជិះឥទ្ឋិពល អាក្រក់ដល់ក្រពះ ។ដូច្នេះលោកអ្នកត្រូវ ទទួលទានលាយជាមួយ ទឹកបន្លែផ្លែឈើដទៃទៀត ។វិធីល្អ គឺត្រូវទទួលទាន ក្រោយពេលបាយល្ងាច ។

From: http://mahob-khmer.blogspot.com/

ទឹកបន្លែផ្លែឈើជួយដល់ប្រព័ន្ឋរំលាយអាហារ

គ្រឿងផ្សំ
ម្នាស់ ម្រះ ក្រូចឆ្មារ ទឹកឃ្មុំ

វិធីធ្វើ
១- ផ្លែម្រះ ១០០ក្រាម , ម្នាស់ ២០០ក្រាម , ក្រូចឆ្មារ (ផ្លែ១ ពុះជា ៤) , ទឹកឃ្មុំ និងទឹកកកដុំ សមល្មម
២- ផ្លែម្រះត្រូវប្រើច្រាសដុសធ្មេញ (ថ្មី) ដុសលាងនឹងទឹកធម្មតា ។បន្ទាប់មកត្រូវ ត្រាំនៅក្នុងម្យៅសណ្តែកសៀងអោយបាន ១០នាទី ទើបស្រង់ចេញ និងប្រើច្រាសដុសធ្មេញ ដុសលាងជាមួយទឹកធម្មតា ។ដាក់សំដិលអោយស្ងួត ទឹកទុកប្រើការ ។
៣-​ ហាន់ផ្លែម្រះ និងម្នាស់ជាដុំតូចៗ
៤- ដាក់បន្លែផ្លែឈើចូលក្នុង ឧបករណ៍គាបចម្រាញ់ផ្លែឈើ ចាក់ដាក់កែវ ។ បន្ទាប់មកច្របាច់ក្រូចឆ្មាចូល​ និងចាក់ទឹកឃ្មុំដាក់ទឹកកកដុំចូល ជាការស្រេច ។

កំណត់សំគាល់ផ្សេងៗ
ទឹកផ្លែម្រះ និងទឹកម្នាស់ក្រោយពីបន្ថែមទឹកក្រូចឆ្មារចូល គឺអាចមានក្លិនក្រអូបឈ្ងុយ និងកាត់ជាតិល្វីងនៃផ្លែម្រះ ហើយទឹកបន្លែផ្លែឈើនេះ ជួយអោយប្រព័ន្ឋ រំលាយអាហារដំណើរការបានស្រួល ។វិធីទទួលទានដ៏ល្អប្រសើរ គឺក្រោយពេលបាយ តែហាមទទួលទានពេលព្រឹកព្រលឹម ពោះនៅទំនេរ ។

From: http://mahob-khmer.blogspot.com/