គ្រឿងផ្សំ
ត្រយ៉ូងចេក ត្រសក់ សាច់ជ្រូក កំពឹស សណ្តែកដីលីង ជីគ្រប់មុខ ខ្ទឹមស ម្ទេស អំពិលទុំ ប្រហុកសាច់ អំបិល ស្ករ ប៊ីចេង។
វិធីធ្វើ
- ត្រយ៉ូងចេកហាន់ឲល្អិតត្រាំទឹកអំបិល ឬ ទឹកក្រូចឆ្មារ ត្រសក់ហាន់ជាសរសៃៗ។ សាច់ជ្រូកស្ងោរឲឆ្អិនហាន់ជាសរសៃល្អិតៗ។ កំពឹសស្រុះឲឆ្អិន ជីបេះលាងទឹកឲស្អាត ហើយដាក់ឲស្រស់ទឹក។
- ខ្ទឹមសបុកឲម៉ដ្ឋ ដាំទឹកឲពុះទើបដាក់ប្រហុកចូលលាយជាមួយខ្ទឹមសបុក ស្ករ ប៊ីចេង និង អំពិលទុំ រំងាស់ឲអំពិលចេញជាតិជូរ ភ្លក់មើល ប្រសិនបើសាបដាក់អំបិលថែមបន្តិចដើម្បីឲល្មមឆ្ងាញ់។
- យកបន្លែត្រយ៉ូងចេក ត្រសក់ សាច់ជ្រូក និងកំពឹសលាយចូលគ្នាឲសព្វជាមួយទឹកប្រហុកដែលបានដាំរួច ទើបរោយជី និងហាន់ម្ទេសដាក់ពីលើ រួចដួសដាក់ចានជាការស្រេច។
Post a Comment