គ្រឿងផ្សំ
- សាច់គោ
- សាឡាដ
- ប៉េងប៉ោះ
- ខ្ទឹមបារាំង
- ក្រូចឆ្មា
- ខ្ទឹមស ប្រេងឆា ប្រេងខ្យង ស្ករ អំបិល ម្រេច ប៊ីចេង
របៀបចំអិន
១ ហាន់សាច់គោជាដុំតូចៗ។ រួចយកសាច់គោទៅ ដាក់ក្នុងចានដោយផ្សំជាមួយ គ្រឿងទេសដូចជា អំបិលបន្តិច ស្ករបន្តិច និង ប្រេងខ្យង។ ដាក់អោយចូលជាតិប្រហែល ១៥នាទី។ ការប្រឡាក់សាច់គោ មុនឆា នឹងធ្វើអោយសាច់គោមានរសជាតិ កាន់តែឈ្ងុយឆ្ងាញ់ និងផុយទៀតផង។
២ លាងសាឡាដ អោយស្អាតរួចរៀបដាក់ក្នុងចាន។ ប៉េងប៉ោះ និង ខ្ទឹមបារាំង ហាន់ជាបន្ទះស្តើងៗ។ បន្ទាប់មកតំរៀបជារង្វង់នៅលើសាឡាដ។
៣ ដាក់ប្រេងឆាបន្តិច ក្នុងខ្ទះរួចទុកអោយក្តៅ រួចហើយដាក់ខ្ទឹមសចិញ្ច្រាំចូល ហើយបំពងអោយឈ្ងុយ។ ចាក់សាច់ចូល ឆាត្រលប់បន្តិច រួចដួសដាក់លើចាន ដែលបានដាក់បន្លែ ជាការស្រេច។
៤ ទឹកជ្រលក់ ដាក់អំបិល ប៊ីចេង ស្ករ ម្រេច និង ក្រូចឆ្មារ។ រួចហើយភ្លក្សតាមរសជាតិ ដែលអ្នកត្រូវការ។
Post a Comment