តើមុខម្ហូបនេះត្រូវការគ្រឿងផ្សំអ្វីខ្លះ?គឺមានដូចខាងក្រោម៖
១- សាច់៖ ឆ្អឹងជំនីជ្រូក
២- បន្លែ៖ ប៉េងប៉ោះ( ទុំខ្លះ ខ្ចីខ្លះ) ម្នាស់ ម្ទេសប្លោក ខ្ទឹមបារាំងជាដើម
៣- គ្រឿង៖ ប្រេងសណ្តែក ទឹកត្រី ប៊ីចេង ខ្ទឹមស អំបិល អំពិលទុំ និងស្ករស
តើវិធីសាស្ត្រក្នុងការចំអិននូវមុខម្ហូបនេះឱ្យមានរសជាតិឈ្ងុយឆ្ងាញ់វិញនោះគួរចំអិនបែបណា?
១- ដំបូងអ្នកត្រូវដាក់ខ្ទះលើភ្លើងឱ្យក្តៅល្អ បន្ទាប់មកអ្នកត្រូវចាក់ប្រេងសណ្តែកនោះចូលក្នុងខ្ទះទុកមួយសន្ទុះ ដើម្បីឱ្យខ្លាញ់នោះក្តៅ ក្រោយមកអ្នកត្រូវចាក់ខ្ទឹមសដែលអ្នកបានចិញ្ចាំរួចនោះ ចាក់ចូលក្នុងខ្ទះ បំពងខ្ទឹមនោះឱ្យឡើងក្រហមនិងមានក្លិនឈ្ងុយ រួចអ្នកចាប់ផ្តើមចាក់សាច់ដែលអ្នកលាងទឹកនិងកាប់ជាកង់ៗតូចល្មមនោះចូលក្នុងខ្ទះ រួចឆាវាឱ្យជិតឆ្អិន បន្ទាប់មកអ្នកចាប់ផ្តើមដាក់គ្រឿងលើសាច់នោះដូចជា៖
- ដាក់ស្ករសចំនួន៣ស្លាបព្រាកាហ្វេ
- ដាក់ប៊ីចេងចំនួន១ស្លាបព្រាកាហ្វេ
- ដាក់ទឹកត្រីចំនួន២ស្លាបព្រាបាយ
- ដាក់អំបិលចំនួន ១ស្លាបព្រាកាហ្វេ
- ប្រសិនបើម្ហូបនោះខ្វះជាតិជូរអ្នកត្រូវបន្ថែមនូវអំពិលបន្តិច ដើម្បីបង្កើនរសជាតិជូរអែមឆ្ងាញ់។
២- បន្ទាប់ពីផ្សំគ្រឿងរួចហើយនោះ អ្នកត្រូវចាក់បន្លែទាំង៤មុខដែលអ្នកបានលាងទឹកនិងចិតវាហើយនោះ ចូលទៅជាមួយសាច់នៅក្នុងខ្ទះ ក្រោយមកអ្នកត្រូវកូរវាបញ្ចូលគ្នាឱ្យសព្វ រួចទុកឱ្យបន្លែឆ្អិន មួយសន្ទុះក្រោយមកអ្នកនឹងទទួលបានម្ហូបដែលរសជាតិឈ្ងុយឆ្ងាញ់ជាមិនខាន។
Post a Comment