នេះជាមុខម្ហូបថ្មីមួយ ដែលយើងមិនសូវដឹង ហើយក៏មិនសូវបានភ្លក់រសជាតិដែរព្រោះ ដោយសារតែងយើង មិន ទាន់ដឹងពីគ្រឿងផ្សំ និងវិធីធ្វើយ៉ាងណាទើបឲ្យម្ហូបយើងមាន រសជាតិគួរឲ្យចង់ទទួលទាន។ ហេតុនេះ សូមចែករំលែកនូវបទពិសោធ ចំពោះមុខម្ហូបនេះជូនដល់ប្រិយមិត្តដូចតទៅ៖
គ្រឿងផ្សំៈ ក្តាមថ្ម២ ដើមខ្ទឹម ខ្ញី ខ្ទឹមក្រហម ស្រា១ស្លាបព្រា ខ្លាញ់រាវ ស្ករ ម្សៅឆា១ស្លាបព្រាកាហ្វេ ។
វិធីធ្វើៈ
១. បកស្នូកក្តាមថ្មចេញ លាងងទឹកឱ្យស្អាត កាត់ជាដុំៗ។
២. ហាន់ដើមខ្ទឹមជាដុំៗប្រវែងពីរថ្នាំងដៃ កោសសំបកខ្ញីចេញឱ្យស្អាត ហាន់ជាបន្ទះ ក្រាស់ៗ។
៣. បំពងសាច់ក្តាមឱ្យឆ្អិនប្រហែល៨៥% ស្រង់ទុកមួយអន្លើ។
៤. ដាក់ខ្លាញ់កន្លះពែងចូលក្នុងឆ្នាំដី បំពងខ្ទឹមក្រហម នឹងដើមខ្ទឹមប្រមាណពាក់ កណ្តាល។ បន្ទាប់មកចាក់សាច់ក្តាមចូល និងបិទគ្របឆ្នាំង ដោយអប់៣នាទីទើបបើក គ្របឆ្នាំង ចាក់ស្រា, គ្រឿងទឹកខាប់ ហើយបិទគ្របឆ្នាំងវិញដោយអស់រយៈពេល១០នាទី ហើយជាចុងក្រោយមុននឹងលើកចេញពីចង្ក្រានត្រូវរោយស្លឹកខ្ទឹមដែលនៅ សល់ពីលើជាការស្រេច។
Post a Comment