សាច់ក្រកពោះវៀនខ្ចីជ្រូក

គ្រឿងផ្សំ
ជ្រូក អំបិល ខ្ទឹមស

វិធីធ្វើ
១- សាច់ជាប់ខ្លាញ់ ១គីឡូក្រាម , ពោះវៀនខ្ចី ១គីឡូក្រាម និងបាយដំណើបចំហុយ ១ចាន , មើមខ្ទឹម ៧-១០ មើម និងអំបិលម៉ត់
២- លាងសាច់អោយស្អាត រួចហាន់ស្តើងៗ យកទៅកិនជាមួយនឹង មើមខ្ទឹម អំបិលអោយម៉ត់ ។
៣- លាងអង្ករដំណើបអោយស្អាត ហើយយកទៅចំហុយអោយឆ្អិន បុកអោយល្អិត ហើយយកមកច្របល់ជាមួយសាច់កិន ។
៤- យកសាច់ ដែលច្របល់សព្វហើយនោះ មកញាត់បញ្ចូលក្នុងពោះវៀនខ្ចី តែកុំអោយណែនពេក បន្ទាប់មកចងវាជាកង់ៗ ប្រវែង៣ឆ្នាប់ យកទៅសំដិលថ្ងៃ ១ថ្ងៃ បើចង់ជូរបន្តិចទុក២ថ្ងៃក៏បាន ។
៥- ក្រោយមកយកទៅចៀន ឬបំពង ឬអាំងដោយភ្លើងតិចៗ ទទួលទានជាមួយ នឹង ម្ទេសខ្ខី មើមខ្ទឹម និងខ្ញីខ្ចីៗ ។

វិធីធ្វើពោះវៀនជ្រូក
ទាញពន្លាពោះវៀន​ រលាតាមបណ្តាយ ដោយយកស្លាបព្រារឹតវាអោយតំប៉ែត ញីអំបិលមួយស្លាបព្រាបាយ​ ហើយលាងទឹក ដោយបង្ហូរទឹក អោយហូរកាត់ ពោះវៀននោះរហូតដល់ស្អាត ទើបច្បួតទឹកចេញអោយអស់ម្តងទៀត ។

From: http://mahob-khmer.blogspot.com/

ទឹកបន្លែផ្លែឈើជួយអោយស្រទាប់ស្បែកភ្លឺថ្លា

គ្រឿងផ្សំ
ម្នាស់ ផ្លែស្ពឺ ក្រូចឆ្មារ ទឹកឃ្មុំ

វិធីធ្វើ
១- ផ្លែស្ពី ១ផ្លែ , ឃិនឆាយបារាំង ៦០ក្រាម​​ , ម្នាស់ ១០០ក្រាម , ក្រូចឆ្មារ (ផ្លែមួយពុះជា ៤) ១ចំណិត , ទឹកឃ្មុំ និងទឹកកកដុំ សម​ ល្មម
២- ផ្លែស្ពឺ និងឃិនឆាយបារាំងលាងទឹកអោយស្អាត និងហាន់ជាដុំៗ ។ក្រូចឆ្មារចិត សម្បកអោយស្អាតទុកប្រើការ ។ម្នាស់ហាន់ជាបន្ទះៗ ។
៣- ត្រូវដាក់បន្ថែមផ្លែឈើ ម្តងមួយមុខៗ ទៅតាមលំដាប់លំដោយ ទៅក្នុងឧបករណ៍ គាបចម្រាញ់ទឹកផ្លែឈើ និងគាបចម្រាញ់យកទឹកចាក់ដាក់កែវ ។ចាក់ទឹកឃ្មុំ និងដាក់ទឹកកកដុំចូល ជាការស្រេច ។
កំណត់សំគាល់ផ្សេងៗ
ទឹកឃិនឆាយ សម្បូរទៅដោយជាតិកាល់ស្យូម ជាតិប៉ូតាស្យូម ជាតិម៉ាញ៉េស្យូម ជាតិដែក​និងជាតិសូដ្យូម ដែលជាសារធាតុ អាចបង្កើនចរន្តឈាម​បានស្រួល ដោយបង្កអោយស្រទាប់ស្បែកភ្លឺរលោង ។ ប៉ុន្តែទឹកឃិនឆាយ សុទ្ឋអាចជិះឥទ្ឋិពល អាក្រក់ដល់ក្រពះ ។ដូច្នេះលោកអ្នកត្រូវ ទទួលទានលាយជាមួយ ទឹកបន្លែផ្លែឈើដទៃទៀត ។វិធីល្អ គឺត្រូវទទួលទាន ក្រោយពេលបាយល្ងាច ។

From: http://mahob-khmer.blogspot.com/

ទឹកបន្លែផ្លែឈើជួយដល់ប្រព័ន្ឋរំលាយអាហារ

គ្រឿងផ្សំ
ម្នាស់ ម្រះ ក្រូចឆ្មារ ទឹកឃ្មុំ

វិធីធ្វើ
១- ផ្លែម្រះ ១០០ក្រាម , ម្នាស់ ២០០ក្រាម , ក្រូចឆ្មារ (ផ្លែ១ ពុះជា ៤) , ទឹកឃ្មុំ និងទឹកកកដុំ សមល្មម
២- ផ្លែម្រះត្រូវប្រើច្រាសដុសធ្មេញ (ថ្មី) ដុសលាងនឹងទឹកធម្មតា ។បន្ទាប់មកត្រូវ ត្រាំនៅក្នុងម្យៅសណ្តែកសៀងអោយបាន ១០នាទី ទើបស្រង់ចេញ និងប្រើច្រាសដុសធ្មេញ ដុសលាងជាមួយទឹកធម្មតា ។ដាក់សំដិលអោយស្ងួត ទឹកទុកប្រើការ ។
៣-​ ហាន់ផ្លែម្រះ និងម្នាស់ជាដុំតូចៗ
៤- ដាក់បន្លែផ្លែឈើចូលក្នុង ឧបករណ៍គាបចម្រាញ់ផ្លែឈើ ចាក់ដាក់កែវ ។ បន្ទាប់មកច្របាច់ក្រូចឆ្មាចូល​ និងចាក់ទឹកឃ្មុំដាក់ទឹកកកដុំចូល ជាការស្រេច ។

កំណត់សំគាល់ផ្សេងៗ
ទឹកផ្លែម្រះ និងទឹកម្នាស់ក្រោយពីបន្ថែមទឹកក្រូចឆ្មារចូល គឺអាចមានក្លិនក្រអូបឈ្ងុយ និងកាត់ជាតិល្វីងនៃផ្លែម្រះ ហើយទឹកបន្លែផ្លែឈើនេះ ជួយអោយប្រព័ន្ឋ រំលាយអាហារដំណើរការបានស្រួល ។វិធីទទួលទានដ៏ល្អប្រសើរ គឺក្រោយពេលបាយ តែហាមទទួលទានពេលព្រឹកព្រលឹម ពោះនៅទំនេរ ។

From: http://mahob-khmer.blogspot.com/

ផ្លែឈើបំប៉នសុខភាព

គ្រឿងផ្សំ
ប៉ោម ផ្លែស្ពឺ ក្រូចឆ្មារ

វិធីធ្វើ
១- ផ្លែស្ពឺលាងទឹកអោយស្អាត ទើបយកទៅដាក់ត្រាំនៅក្នុងទឹកម្សៅសណ្តែកសៀង បន្ទាប់មកស្រង់ចេញ និងជម្រះទឹកត្រជាក់ធម្មតាម្តងទៀត ទើបកាត់ជាដុំតូចៗ ទុក​ ប្រើការ ។ ផ្លែមីឡុងចិតសម្បក និងខ្វេះគ្រាប់ចេញអោយស្អាត ហាន់ជាចំណិតតូចៗ ។ ផ្លែប៉ោមចិតសម្បកអោយស្អាត និងខ្វេះស្នូល , ក្រូចឆ្មារ ត្រូវច្របាច់យកទឹក ទុកប្រើការ ។គាបយកទឹក និងចាក់ចូលក្នុងកែវ ដោយចាក់ទឹកក្រូចឆ្មារ និងដាក់ដុំទឹកកក ចូលកូរ អោយសព្វទើបជាការស្រេច ។

កំណត់សំគាល់ផ្សេងៗ
ជាតិស្ករនៅក្នុងផ្លែស្ពឺ គឺមានកម្រិតទាបបំផុត ដោយមួយគីឡូក្រាមគឺផ្ទុកដោយបរិមាណ ក្តៅត្រឹមតែ ២២០-២៥០ កាឡូរីប៉ុណ្ណោះ ។ប៉ុន្តែសម្បូរទៅដោយជីវជាតិ A, B1,B2 និង C ដែលអាចបំប៉នសុខភាព ជាពិសេសសម្រាប់អ្នកនាងកញ្ញាដែលចង់អោយរាងកាយ ស្គមស្រស់ស្អាត ។

From: http://mahob-khmer.blogspot.com/

ទឹកបន្លែផ្លែឈើបំប៉នសម្ផស្សកាន់តែស្រស់ស្អាត

គ្រឿងផ្សំ
ម្នាស់ ប៉េងប៉ោះ ទឹកឃ្មុំ

វិធីធ្វើ
១- ម្នាស់ ២០០ក្រាម , ប៉េងប៉ោះ ២ផ្លែ , ទឹកឃ្មុំសមល្មម , ទឹកកក​ ៤- ៥ដុំ
២​- ម្នាស់ចិតសម្បក អោយស្អាត ហាន់ជាដុំតូចៗទុកប្រើការ ។ប្រើកាំបិតចិត ផ្លែឈើចិតសម្បកប៉េងប៉ោះអោយស្អាត និងហាន់ជាបន្ទះក្រាស់ៗទុកប្រើការ ។
៣- ដាក់បន្លែផ្លែឈើ ជាលំដាប់លំដោយ ចូលក្នុងឧបករណ៍គាបផ្លែឈើ និងគាបយកទឹករួចចាក់ចូលក្នុងកែវ ។បន្ទាប់មកត្រូវចាក់ទឹកឃ្មុំ និងដាក់ទឹកកកដុំចូល កូរអោយសព្វទុកជាការស្រេច ។

កំណត់សំគាល់ផ្សេងៗ
នៅក្នុងក្បួនពេទ្យចិនសែ ផ្លែប៉េងប៉ោះ គឺជាបន្លែធម្មជាតិអាចកម្ចាត់ឈាម កកស្ទះមិនហូរ ។ ម៉្យាងផ្លែប៉េងប៉ោះ គឺជាបន្លែអាចជួយរំលាយអាហារ ដោយលោកអ្នកអាចទទួលទាន ផ្លែប៉េងប៉ោះលាយស្ករ ឬទឹកប៉េងប៉ោះនៅក្រោយ ពេលបាយ ។
ចំពោះស្រ្តីភេទ ដែលមានបញ្ហានែឈាមរដូវមកពុំទៀងទាត់ ឬឈាមកកស្ទះ គឺអាចព្យាបាល តាមការទទួលទានផ្លែប៉េងប៉ោះអោយបានច្រើន ។ម៉្យាងទៀតចូរទទួលទានទឹកបន្លែ ផ្លែឈើខាងលើនេះ អោយបានញឹកញាប់ក៏អាចបំប៉នសម្ផស្សរបស់អ្នក អោយកាន់តែស្រស់ស្អាតថែមទៀតផងដែរ ។

From: http://mahob-khmer.blogspot.com/

តុំយ៉ាំអវកាស

គ្រឿងផ្សំ
មឹក បង្គា ម្ទេស ជីវ៉ាន់ស៊ុយ ស្លឹកក្រូចសើច ក្រូចឆ្មារ ប្រេងឆា គល់ស្លឹកគ្រៃ ទឹកត្រី ខ្ទឹមក្រហម

វិធីធ្វើ
១- ត្រីមឹក ហាន់ជាចំណិត ១ស្លាបព្រាបាយ ,បង្គាបកសំបក ១ពែង , គ្រំចំពុះទា ទាំងសំបក ១០ , ត្រីឆ្ពង់ក្រហម ហាន់ជាចំណិត ១ពែង , គល់ស្លឹកគ្រៃ ៤ដើម , ស្លឹកក្រូចសើច ៧-៨សន្លឹក , ក្រូចឆ្មារ ២-៣ ផ្លែ , ទឹកត្រី ៣- ៤ ស្លាបព្រាបាយ, ខ្ទឹមក្រហមដុត ៥-៦ មើម , ខ្ទឹមសដុត ៣-៤ មើម , ម្ទេសក្រៀមគ្រាប់ធំ ៨ផ្លែ, ម្ទេសដៃនាងទុំ ២គ្រាប់ , ប្រេងឆា ឬខ្លាញ់ ២ស្លាបព្រាបាយ , ជីវ៉ាន់ស៊ុយ ២-៣ ដើម , ទឹកស៊ុបត្រី ១ពែង , ប៊ីចេង
២- យកខ្ទះដាក់ខ្លាញ់ ដុតភ្លើងអោយខ្លាញ់ក្តៅ ដាក់ត្រីចៀនអោយឆ្អិនលឿង ពេលឆ្អិនល្អហើយ ដួសឡើងទុកមួយឡែក ។
៣- ដួសខ្លាញ់ចេញអោយសល់បន្តិចបន្តួច ដាក់ត្រីមឹក បង្គា និងគ្រំចំពុះទា ចៀនជាមួយខ្លាញ់ ពេលឆ្អិន ដួសឡើងជាការស្រេច ។
៤- លាងស្លឹកក្រូចសើច ហែកទុក , ស្លឹកគ្រៃហាន់ជាកំណាត់ ពុះពាក់កណ្តាល ទុកដោយឡែក ។​យកម្ទេសក្រៀម ដោតចង្កាក់អាំងអោយក្រៀម ជាមួយខ្ទឹមក្រហម និងខ្ទឹមស រួចបុកម្ទេស ខ្ទឹមក្រហម ខ្ទឹមស អោយម៉ដ្ឋ ។
៥- ដួសខ្លាញ់ ឬប្រេងឆា ដាក់ខ្ទះប្រហែល ២-៣ស្លាបព្រា ពេលខ្លាញ់ក្តៅ ដួសម្ទេសដែលបុកស្រាប់ ដាក់ក្នុងខ្ទះ ជាមួយនឹងទឹកស៊ុបត្រី ១វែក ដាក់ស្លឹកក្រូចសើច ស្លឹកគ្រៃ ឆាអោយក្លិនឈ្ងុយបន្តិច ថែមទឹកត្រី ក្រូចឆ្មារ ប៊ីចេង ភ្លក្សមើលតាមចូលចិត្ត ។
៦- ដាក់ត្រីចៀន និងបង្គា ត្រីមឹក គ្រំចំពុះទា ដែលឆាទុក មកឆាត្រឡប់អោយចូលគ្នា បើស្ងួតពេក អាចថែមទឹកស៊ុបត្រីបានទៀត ល្មមតែមានទឹកខាប់ល្មម ។
៧- ដួសដាក់ចាន បង់ជីវ់ាន់ស៊ុយ ម្ទេសទុំហាន់ យកតែសាច់សំបក ពិសាជាមួយបាយ ឬធ្វើជាម្ហូបក្លែម ។

From: http://mahob-khmer.blogspot.com/

ទឹកផ្លែប៉ោម ទំពាំងបាយជូរ

គ្រឿងផ្សំ
ប៉ោម ទំពាំងបាយជូរ

វិធីធ្វើ
១- ផ្លែប៉ោមក្រហម ១ផ្លែ , ទំពាំងបាយជូរ ក្រហម ឬស្វាយ ២០ផ្លែ , ទឹកផ្លែប៉ោម ១២០ មីល្លីលីត្រ
២- ចិតផ្លែប៉ោម ជាចំណិតតូចៗ ហើយរំលែកជាពាក់កណ្តាលនៃផ្លែទំពាំងបាយជូរ ។ យកគ្រាប់ចេញ ដាក់ប៉ោម និងទំពាំងបាយជូរ ក្នុងម៉ាស៊ីនក្រឡុក ចាក់ទឹកផ្លែប៉ោមចូល រួចក្រឡុកអោយចូលគ្នា អ្នកនឹងបានទឹកផ្លែឈើ មានរសជាតិឆ្ងាញ់ គួរអោយចង់ពិសារ ។

កំណត់សំគាល់ផ្សេងៗ
ប៉ោមក្រហម​ : មានវីតាមីន A, C កាល់ស្យូម និងផូស្វ័រ​។
ទំពាំងបាយជូរក្រហម ឬស្វាយ : មានវីតាមីន A,C ប៉ូតាស្យូម និងសារធាតុប្រឆាំងនឹង មហារីក​។

From: http://mahob-khmer.blogspot.com/

ត្រីចំហុយ អន្លក់ខ្ចី

គ្រឿងផ្សំ
ត្រី ម្រះ ផ្សិត ស្លឹកក្រូចសើច ត្រប់ គល់ស្លឹកគ្រៃ រំដេង

វិធីធ្វើ
១- ធ្វើត្រីលាងទឹកអោយស្អាត ញាត់រំដេង ស្លឹកក្រូចសើច ក្នុងពោះត្រី យកស្លឹកគ្រៃ ទ្រាប់បាតឆ្នាំង ដាក់ទឹកបន្តិចដាក់ត្រីពីលើ រួចយកទៅចំហុយអោយឆ្អិន ។ចំណែកបន្លែផ្សេងៗ ដូចជា ននោង ក្តឹបឱឡឹក ផ្កាឡាយហៀង ផ្ទី ត្រូវស្រុសអោយឆ្អិន ។
២- ទឹកអម្ពិលទុំ ៥ស្លាបព្រាបាយ , ទឹកត្រី ៥ស្លាបព្រាបាយ , ស្ករត្នោត ១ស្លាបព្រាបាយ, អង្ករលីង កិនឬបុកម៉ត់ ១ស្លាបព្រាបាយ ,ម្ទេសម៉ត់ ១-២ស្លាបព្រាកាហ្វេ, ខ្ទឹមក្រហមហាន់ ៣-៥មើម ,ជីរណារហាន់ ១-២ដើម
៣- យកភាគផ្សំទាំងអស់រួមបញ្ចូលគ្នា ភ្លក្សមើលរសជាតិ ជូរ ប្រៃ ផ្អែម ល្មមតាមការចូលចិត្ត ដួសដាក់ក្នុងចាន ហើយរោយជីរណាពីលើ ។

From: http://mahob-khmer.blogspot.com/