បុកកាពិអន្លក់ខ្ចី

គ្រឿងផ្សំ
ត្រី ត្រសក់ ម្ទេស ផ្កាខាត់ណា ស្ពៃក្តោប សណ្តែកគួរ ត្រប់ ស្ករស ក្រូចឆ្មារ ខ្ទឹមស បង្គា​ក្រៀម កាពិ ពងទា

វិធីធ្វើ
១- កាពិ បង្គាក្រៀម ខ្ទឹមស ម្ទេសដៃនាង ស្ករត្នោត ក្រូចឆ្មារ
២- បុកខ្ទឹមស បង្គាក្រៀម ជាមួយកាពិ អោយម៉ដ្ឋចូលគ្នា រួចដាក់ទឹកក្រូចឆ្មារ តាមការចូលចិត្ត។
៣- បន្លែសម្រាប់ផ្ទាប់ រួមមាន ស្ពៃក្តោប សណ្តែកកួរ ត្រសក់ ផ្កាខាត់ណា ស្អំចៀនពងទា ត្រប់វែងចៀនពងទា និងត្រីកាម៉ុង (ប្លាធូ) ចៀន៕

បុកកញ្ឆែត

គ្រឿងផ្សំ
ប៉េងប៉ោះ ម្ទេស កញ្ឆែត ស្ករស ក្រូចឆ្មារ ខ្ទឹមស ទឹកត្រី បង្គា​ក្រៀម សណ្តែកដី

វិធីធ្វើ
១- កញ្ឆែតស្រស់ ឬស្រុស ១០០ក្រាម , ម្ទេសអាចម៍ឆ្មា ១០គ្រាប់, ខ្ទឹមស ៥កំពិស, ស្កត្នោត ១ស្លាបព្រាបាយ, ទឹកក្រូចឆ្មារ ១ស្លាបព្រាបាយ, ទឹកត្រី កន្លះស្លាបព្រាបាយ, ប៉េងប៉ោះហាន់ជាចំណិត​ ១ផ្លែ, សណ្តែកដីលីង ២ស្លាបព្រាបាយ, បង្គាក្រៀម ២ស្លាបព្រាបាយ
២-​​ លាងកញ្ឆែតអោយស្អាត ក្តិចជាកង់ៗ ខ្នាត៥ស.ម ដាក់ស្រុសក្នុងទឹកក្តៅ (ឬបើចូលចិត្តស្រស់មិនបាច់ស្រុសទេ) ដាក់កញ្ឆែតអោយស្រស់ទឹក។
៣- បុកម្ទេស ខ្ទឹមអោយបែកចូលគ្នា រួចបំរុងរសជាតិដោយស្ករត្នោត ទឹកក្រូចឆ្មារ ទឹកត្រី រួចដាក់ប៉េងប៉ោះនិងបន្លែកញ្ឆែតចូល បុកអោយបែកល្មម រួចដាក់សណ្តែកដីលីង បង្គាក្រៀម (រំលែកទុករោយមុខ លើបន្តិចផង) ច្របល់ចូលគ្នាអោយសព្វ។
៤- ដួសដាក់ចាន រោយបង្គាក្រៀម សណ្តែកដីលីងពីលើ លើកមកទទួលទាន យ៉ាងឆ្ងាញ់ពិសា៕

From: http://mahob-khmer.blogspot.com/