ត្រីបឹងកញ្ជែត

គ្រឿងផ្សំមានដួចជា៖

ក្រូចឆ្មា  ទឹកត្រី ខ្ទិះដូង  គ្រឿងដុក ម្ទេសឆ្អើរចិញ្ចាំម  ប្រេងសណ្តែក  អំបិល កញ្ឆែតបេះលាងទឹកអោយស្អាត សណ្តែកដីបុក  ត្រីឆ្តោរ រឺត្រីតាមលោកនាក់ចូលចិត្ត

របៀបធ្វើ៖

ដំបូងត្រូវយក ត្រីយកទៅចានអោយឆ្អិន បន្ទាប់បក យកម្ទេសឆ្អើរចិញ្ចាំមលីងអោយក្រហមឈ្ងុយ សឹមដាក់គ្រឿងបុកលីងជាមួយ រួចចាក់ខ្ទិះដូងរំងាស់ បង់អំបិល ស្ករស ទឹកត្រី ទឹក ក្រូចឆ្មា ភ្លក់ល្មមតាមចំណូលចិត្តសឹមបង់សណ្តែកដីបុកចូលរួចហើយរៀបកញ្ឆែតពីក្រោមដាក់ត្រីចានពីលើ រួចសឹមស្រោចទឹកគ្រឿង ជាកាស្រច។ ពេលបរិភោគដាក់ភ្លើងពីក្រោមខ្ទះ រឺឆ្នាំង ទើបឆ្ងាញ ៕

សម្លរម្ជូរអង្ក្រង

គ្រឿងផ្សំមានដួចជា៖

ឆ្អឹងជំនីរជ្រូកខ្ចីកាត់ជាកង់ ១៥០ក្រាម,  រំដេង ១ចំណិត,​ ប្រហុកចិញ្ច្រាំ កន្លះស្លាបព្រាបាយ, ខ្ជាយ ប៉ុនថ្នាំងដៃ, គល់ស្លឹកគ្រៃហាន់ ៣ដើម, ម្ទេសទុំ ២ផ្លែ, ខ្ទឹមស ៤កំពឹស, ស្លឹកម្រះព្រៅ ១០០ក្រាម, ខ្ទឹមក្រហម ២កំពឹស, អង្ក្រង ១០០ក្រាម, សម្បកក្រូចសើច ១ចំណិត, ស្លឹកតាមូងបុក ៥០ក្រាម,  ទឹកត្រី ១ស្លាបព្រាបាយ, ស្ករត្នោត កន្លះស្លាបព្រាបាយ, អំបិល កន្លះស្លាបព្រាកាហ្វេ, ប៊ីចេង កន្លះស្លាបព្រាកាហ្វេ, រមៀត ប៉ុនថ្នាំងដៃ, ស៊ុបមាន់ ១ស្លាបព្រាបាយ, ត្រកួនឈ្លក់ទឹក ១០០ក្រាម, ម្ទេស ១ផ្លែ

ចំពោះរបៀបធ្វើមានជាលំដាប់ដួចតទៅ៖

1.   ជាដំបូងត្រូវយកគល់ស្លឹកគ្រៃ សម្បកក្រូចសើច រំដេង រមៀត ខ្ទឹមស ខ្ទឹមក្រហម ម្ទេសបុកឱ្យម៉ត់ ទើបដាក់ម្រះព្រៅចូលបុកជាមួយគ្នាតែកុំឱ្យម៉ត់ពេក ។

2.   ដាក់ឆ្នាំងឱ្យក្ដៅរួចចាក់ខ្លាញ់ លីងគ្រឿងបុកទាល់តែឈ្ងុយ ហើយដាក់សាច់ជ្រូក ប្រហុក កូរឱ្យឈ្ងុយ ទើបចាក់ទឹកបន្ដិចរួចដាក់ស្លឹកម្ជូរតាមូងបុកចូល។

3.   បន្ទាប់មកចាក់ទឹកត្រី ស្ករ ប៊ីចេង អំបិល កូរឱ្យសព្វហើយរម្ងាស់បន្ដិច រួចចាក់ទឹកស៊ុបមាន់ចូល ទុកឱ្យពុះ។

4.   ក្រោយបន្ដិចសូមដាក់ត្រកួននិងអង្ក្រងចូលទុកទាល់តែសាច់ជ្រូកនិងត្រកួនឆ្អិន ទើបដាក់​ជីម្រះ​ព្រៅចូលរួចភ្លក់យករសជាតិជូរហឹរប្រៃនិងអាចពិសារបានយ៉ាងមានរសជាតិឆ្ងាញ់ពិសារ ៕

ត្រីបំពង

     ត្រីបំពងជាមុខម្ហូបមួយមុខ ដែលជនជាតិខ្មែរចូលចិត្តបរិ ភោគមិនថារស់នៅក្នុងទីក្រុងរឺជនបទ និងល្បីជាមុខម្ហូបខ្មែរមានរសជាតិឆ្ងាញ់។តើត្រីបំពងដែល ជនជាតិខ្មែរចូលចិត្តញ៉ាំមានគ្រឿងផ្សំមានអ្វីខ្លះ?

គ្រឿងផ្សំមានដួចជា៖

   ត្រីក្រហម     ខ្ទឹមជ្រក់     ខ្ញី     ម្សៅឆា     ខ្ទឹមស      ទឹកខ្មេះ     ទឹកត្រី    ស្ករ      សាឡាដ      ខ្លាញ ឬប្រេងសណ្តែក 

ចំពោះរបៀបធ្វើ៖

     ដំបូងយកខ្ទឹមជ្រក់មកហាន់អោយល្អិតខ្ញីកោស ហាន់ជាសរសៃឆ្មារៗខ្ទឹមចិញ្រ្ចាំអោយល្អិតត្រីក្រហមត្រូវកោសស្រការរួចហូតៗ ចំខ្នងរួចយកទៅប្រលាក់ជាមួយម្សៅឆាអោយសព្វ។បន្ទាប់មក យកសាឡាដលាងទឹកអោយស្អាតហាន់ខ្លីល្មមដាក់ចានសំប៉ែត ។ រួចយកខ្ទះដាក់ខ្លាញ់អោយច្រើនបន្តិច ទុកអោយក្តៅរួចយកត្រីបំពងអោយឡើងក្រហមក្រៀមល្អទើបស្រង់ត្រីដាក់ចានសាឡាដ។  យកខ្ទះថ្មីដាក់ខ្លាញ់អោយក្តៅចាក់ខ្ទឹមចិញ្រ្ចាំចូលឆាអោយឈ្ងុយ រួចដាក់ ខ្ទឹមជ្រក់ ខ្ញី ទឹកត្រី ស្ករ ទឹកខ្មេះ ចាក់ទឹកបន្តិច ទុកអោយពុះយូរបន្តិចភ្លក្សមើលអោយដឹងជូរប្រៃស្មើរគ្នា រួចដួសស្រោចពីលើត្រីបំពងជាកាស្រេច។